当前位置: 首页 > 伟哥多钱 > 網議政事偉哥仰Cheap禎「鬧制度又上訴」

網議政事偉哥仰Cheap禎「鬧制度又上訴」


/ 2017-08-30

  法庭判決大家都可以評論,不過有案在身嘅都係講少兩句穩陣啲,唔係就好似「本民青」兩個代表人物偉哥仰(黃台仰)同Cheap禎(游蕙禎)咁起勢俾人寸嘞。13個大前年衝擊立法會嘅者,俾律政司覆核刑期,前日改為判監,佢哋一個話司法制度只係幫政權「維穩」,另一個就話刑期可以加到律政司滿意為止,同打爛仔交無分別。有「熱狗」就篤爆Cheap禎喺DQ(取消議員資格)案中上訴到去終審法院,寸佢又要鬧個制度,又要喺制度入面上訴。

  偉哥仰前日喺cebook聲言,邊個再講仲有,叫人相信司法制度,就係幫政權「維穩」咁話,即刻俾親「熱狗」嘅fb專頁「廢除雙重國籍行動」咬,話佢盟友Cheap禎用緊司法制度上訴,「咁佢(Cheap禎)係×唔係鬼啊?」不過,「熱狗」似乎漏咗一樣嘢,就係偉哥仰本身都孭緊罪,大可以叫佢夠薑喺被判入冊之後就唔好上訴。

  至於Cheap禎前日亦都噴吓口水,話原來服完刑可以再覆核刑期,覺得唔夠可以再加碼,加碼到律政司覺得滿足為止,「我哋以為係當(堂)當(堂)正正既(嘅)一場戰爭,到頭來『對家』就話,其實我係嚟打爛仔交,吹咩。」疑似「熱狗」嘅「Thomas To」就話,Cheap禎同「本民青」令到力量失晒,令打擊佢哋時毋須忌憚,之後仲要再扮委屈,爆粗Cheap禎謂。

相关文章

推荐阅读